(რეზონანსი) მთიული ბავშვებისთვის, რომლებიც მთელ საქართველოს შეუყვარდა, საჩუქრებს აგროვებენ.

სოფელ ქვეშეთში მცხოვრები 7 წლის ბექასა და 6 წლის მარის შესახებ, რომლებიც მეგობრები არიან და ერთ სკოლაში სწავლობენ, „პირველი არხის" ჟურნალისტმა, ნინუცა კახნიაურმა, გადაცემისთვის „ახალი კვირა" ვრცელი სიუჟეტი მოამზადა.

„ეს ის შემთხვევაა, როცა არ ვიცი რა დავწერო. ძალიან, ძალიან დიდი მადლობა ამდენი წერილი ინბოქსში დიდი ხანია არ მიმიღია. მწერს ყველა, უნდათ ბავშვებს ოცნებები აუსრულონ. ტელევიზიაში უკვე მოაქვთ მათთვის საჩუქრები, ვისაც სურვილი გაქვთ, ჩემი ბუთქუნა ბავშვები გაახაროთ, შეგიძლიათ დამირეკოთ, ხვალ ან ზეგ ჩავუტანთ საჩუქრებს, რომელსაც მოუთმენლად ელოდებიან. ველოსიპედები უკვე ადგილზეა ფუშფუშა კაბებიც" - წერს „პირველი არხის" ჟურნალისტი ნინუცა კახნიაური.