(რეზონანსი) ბათუმის მერიის დაკვეთით, კონტრაქტორმა კომპანიამ შპს "გზებმა" - მემედ აბაშიძისა და დემეტრე თავდადებულის კვეთაში, დაზიანებული ქვაფენილი ჩააბეტონა.

ბათუმის მერიაში განაცხადეს, რომ მათი დაკვეთით ქალაქში, გზის დაზიანებული მონაკვეთების ორმულ შეკეთებებს შპს "გზები" ახორციელებს. მათივე თქმით, კომპანიამ თვითნებურად ამოავსო დაზიანებული ქვაფენილი ასფალტით.

"კომპანიამ სამუშაოები შაბათს შეასრულა. მერიისგან კომპანიამ მიიღო გაფრთხილება, რადგან ასეთი ქმედება ჯარიმას არ ითვალისწინებს. უახლოეს დღეებში, კომპანია ხარვეზს გამოასწორებს" - განაცხადეს ბათუმის მერიის კეთილმოწყობის სამსახურში.

წყარო: აჭარის საზოგადოებრივი მაუწყებელი