(რეზონანსი) ისან-სამგორის პოლიციის სამმართველოში, საკრებულოს დეპუტატის ილია ჯიშკარიანის თანაშემწის, თამთა თოდაძის გამოკითხვა დასრულდა.

თამთა თოდაძემ პოლიციის სამმართველო ტირილით ადვოკატთან ერთად დატოვა. მას მედიასთან კომენტარი არ გაუკეთებია.

საგამოძიებო ორგანოში ამ დრომდე იმყოფება მისი დედა, ხათუნა ოქროპირიძე.

ადვოკატი თამარ ლუკავა ამბობს, რომ სანამ ფაქტი გახმაურდებოდა ჯიშკარიანის მეგობარი თოდაძის ოჯახში მივიდა და გარიგება შესთავაზა.

შეგახსენებთ, რომ საკრებულოს თანამშრომელი თამთა თოდაძე „ქართული ოცნების დეპუტატს, ილია ჯიშკარიანს თანაშემწე სექსუალურ და ფიზიკურ ძალადობაში ადანაშაულებს.