(რეზონანსი)რეგიონული განვითარებისა და ინფრასტრუქტურის მინისტრი, მაია ცქიტიშვილი მამუკა ხაზარაძეს დებატებში იწვევს.

„დღეს მამუკა ხაზარაძემ ახსენა, რომ დებატებში შეიძლება მოიწვიოს ნებისმიერი პიროვნება, ისაუბროს რიცხვებით. მამუკა ხაზარაძემ ერთხელ უკვე თქვა უარი ჩემთან დებატებში დაჯდომაზე, როდესაც საქმე ეხება მისთვის მნიშვნელოვან ანაკლიის პორტს. იმ შემთხვევაში, თუ მას არ შერცხვება, მას შემდეგ რაც დღეს განცხადა, თვალებში ჩამხედა და დაჯდეს დებატებში, მზად ვარ, დავჯდე მასთან ერთად და ვისაუბროთ როგორც რიცხვებზე, ასევე ქვეყნის განვითარებაზე", - განაცხადა ცქიტიშვილმა.