(რეზონანსი) „ჩვენ გვყავს ერთი პრობლემური მეზობელი ოკუპანტი, რომელსაც დაპყრობილი აქვს ჩვენი ტერიტორიების 20%. ამ კონფლიქტში სამართლიანობა, სიმართლე და საერთაშორისო სამართალის აღიარებული პრინციპები და ნორმები არის ჩვენს მხარეს, ამიტომ სავსებით ლოგიკურია, რომ ჩვენ გვინდა ჩვენი სიმართლის მიტანა ორმხრივი ფორმატის ურთიერთობებში", - ამის შესახებ რონდელის ფონდის მკვლევარმა ვალერი ჩეჩელაშილმა ტელეკომპანია „პირველის" ეთერში განაცხადა და სერგეი ლავროვის იმ განცხადებას გამოეხმაურა, რომლის მიხედვითაც ზალკალიანი-ლავროვის შეხვედრა ქართული მხარის ინიციატივით შედგა.

რუსეთისა და საქართველოს საგარეო საქმეთა მინისტრების შეხვედრა თბილისის ინიციატივით შედგა. ამის შესახებ რუსეთის საგარეო უწყების მინისტრმა სერგეი ლავროვმა გაეროში ბრიფინგის დროს განაცხადა.