მარ­თლმა­დი­დე­ბე­ლი სამ­ყა­რო დღეს ჯვარ­თა­მაღ­ლე­ბის დღე­სას­წა­ულს აღ­ნიშ­ნავს. ამასთან დაკავშირებით ტაძრებში სა­დღე­სას­წა­უ­ლო წირ­ვა ს­რულ­დე­ბა. ჯვარ­თა­მაღ­ლე­ბა მო­ცი­ქულ­თას­წო­რი იმ­პე­რა­ტო­რის, კონ­სტან­ტი­ნე დი­დის სა­ხელს უკავშირდება.

წმინ­და კონ­სტან­ტი­ნემ და მის­მა დე­დამ წმინ­და ელე­ნემ იე­რუ­სა­ლიმ­ში უფ­ლის ცხოველმყოფელი ჯვა­რი მოიძიეს, რომელიც 300 წლის გან­მავ­ლო­ბა­ში მი­წა­ში იყო დამარხული.

იე­რუ­სა­ლი­მის პატ­რი­არ­ქმა მა­კა­რიმ კი მა­ცხოვ­რის ჯვა­რი ყვე­ლას და­სა­ნა­ხად აა­მაღ­ლა.ეს ფაქ­ტი 326 წელს მოხ­და. კონ­სტან­ტი­ნე დიდი რო­მის პირ­ვე­ლი იმ­პე­რა­ტო­რი იყო, რომელმაც ქრისტიანთა დევნა შე­წყვი­ტა და ქრის­ტი­ა­ნო­ბა სა­ხელ­მწი­ფო რე­ლი­გი­ად გამოაცხადა.

მორ­წმუ­ნე­ე­ბი 27 სექ­ტემ­ბერს მარ­ხვით აღ­ნიშ­ნა­ვენ.

მა­ცო­ცხლე­ბე­ლი ჯვა­რი უფ­ლი­სა გვახ­სე­ნებს იესო ქრის­ტეს ჯვარ­ცმას და ვნე­ბას კაცობრიობის გადარჩენისთვის.

ჯვარ­თა­მაღ­ლე­ბის დღეს ეკ­ლე­სია იხ­სე­ნებს გო­ლოგ­თას, სა­დღე­სას­წა­უ­ლო მსა­ხუ­რე­ბა­ზე კი სა­ხა­რე­ბა მოგვითხრობს პილატესთან იესო ქრისტეს გასამარტლებას და მის ჯვარცმას. ეკ­ლე­სია ამ დღეს ჩვენც მოგვიწოდებს სი­ნა­ნუ­ლი­სა და გოლ­გო­თა­ზე უფალთან დგომისკენ. იმი­სათ­ვის, რომ ტრა­პეზ­ზე დაბ­რძა­ნე­ბუ­ლი ჯვრის სი­დი­ა­დე შევიგრძნოთ, მას მარ­ხვი­თა და ლოც­ვით განწმენდილნი უნდა მი­ვე­ახ­ლოთ.

სწო­რედ ამი­ტომ ეკ­ლე­სი­ამ ერის­კაც­თათ­ვის ერ­თდღი­ა­ნი მარ­ხვა და­ა­წე­სა 27 სექტემბერს.

სა­მო­ნას­ტრო ტი­პი­კო­ნით კი ორ­დღი­ა­ნი მარ­ხვაა და­წე­სე­ბუ­ლი - 26 და 27 სექ­ტემ­ბერს.

ცხო­ველ­მყო­ფე­ლი ჯვრის ამაღ­ლე­ბა არ იყო მხო­ლოდ ის­ტო­რი­უ­ლი მოვ­ლე­ნა; ეს მაგალითია ქრის­ტი­ა­ნი­სათ­ვის, ისევე, როგორც ჯვა­რი ამაღ­ლდა, იესო ქრის­ტეს მას­ზე ჯვარ­ცმით გან­დიდ­და და გაბრ­წყინ­და, ასე­ვე ჩვენც უნდა ავ­მაღ­ლდეთ ში­ნა­გა­ნი და სულიერი სამ­ყა­რო­თი, რათა ღირ­სი შე­ვიქ­მნეთ იესო ქრის­ტეს­თან ურ­ცხვე­ნე­ლი შეხვედრისა.