„თავისუფალი საქართველო“ თურქეთიდან მედიკამენტებს შემოიტანს და გაყიდის. პარტიის ლიდერმა სარფის საბაჟოდან 20 დასახელების მედიკამენტი უკვე შემოიტანა. მისი თქმით, საქართველოში ხალხს ამ მედიკამენტების იმ ფასად შეძენა შეეძლება, რაც თურქეთში, რუსეთსა და სომხეთში ღირს.

„ჩვენ დავიწყებთ ანტიმონოპოლიურ იმპორტს თურქეთიდან. დედაქალაქში ვიწყებთ ამ მედიკამენტების თვითღირებულებით გაცემას. რაც ღირს ხოფაში, ზუსტად იმ ფასებში გაიცემა ეს წამლები,“ – ამბობს კუკავა და აცხადებს, რომ მედიკამენტების ფასებთან დაკავშირებულ პრობლემას ბაზარზე არსებული მონოპოლისტი კომპანიები ქმნიან.