(რეზონანსი) გუშინ, ვარკეთილში საცხოვრებელი კორპუსის სახურავიდან გადმოვარდნილი 16 წლის მოზარდი, გიორგი ყუშიტაშვილია. ის 108-ე საჯარო სკოლის მოსწავლე იყო.

ერთი ვერსიით, გიორგი ყუშიტაშვილი გუშინ მეგობართან სტუმრად იმ კორპუსში იმყოფებოდა, სადაც ტრაგედია მოხდა.

კორპუსის მცხოვრებლების თქმით, მოზარდები კორპუსის სახურავზე ალკოჰოლურ სასმელს სვამდნენ.

შსს-მ ძიება 115-ე მუხლით დაიწყო, რაც თვითმკვლელობამდე მიყვანას გულისხმობს.