ავღანეთის ქალაქ ქალატში საავადმყოფოსთან ტერაქტი განხორციელდა. აფეთქდა შენობასთან მდგარი სატვირთო მანქანა, რომელშიც ბომბები იყო დამონტაჟებული.

აფეთქების შედეგად დაიღუპა სულ მცირე 20 ადამიანი. მსხვერპლის რაოდენობა შესაძლოა გაიზარდოს. ადგილობრივი ხელისუფლების განცხადებით, დაშავებულების რაოდენობა 100-ს აღწევს.

ტერაქტზე პასუხისმგებლობა დაჯგუფება თალიბანმა აიღო. დაჯგუფების განცხადებით მათი სამიზნე, სავადმყოფოსთან ახლოს მდგარი სამთავრობო შენობა იყო.

თალიბანმა თავდასხმა ავღანეთში ორი დღის წინაც განახორციელა. სამშაბათის ტერაქტის სამიზნე საარჩევნო კამპანია იყო. დაიღუპა 26 ადამიანი.

წყარო: პრაიმტაიმი