(რეზონანსი) „გირჩის" ლიდერი, ზურა ჯაფარიძე პირველკლასელებს „უსამძიმრებს" და სასწავლო წლის დასწყებასთან დაკავშირებით Facebook-ზე პოსტს ავრცელებს.

„ვუსამძიმრებ პირველკლასელების აბსოლუტურ უმრავლესობას მრავალწლიან ციხეში მოხვედრის გამო. თქვენ გელით საკუთარი მშობლების და ბებია-ბაბუას მიერ შექმნილი ჯოჯხეთის გავლა, სადაც:

- დაგამცირებენ

- მოგექცევიან როგორც მონებს

- დაგაზეპირებინებენ სრულიად გამოუსადეგარ ზღვა ინფორმაციას

- არ მოგცემენ განვითარების შესაძლებლობას იმ მიმართულებებით, რომლებიც გაინტერესებთ

- გასწავლიან ფარისევლობას

- დაგაკარგვინებენ აზროვნების უნარს

- შეგაზიზღებენ სწავლას და ფიქრს

- შეგაზიზღებენ დილით გაღვიძებას

- საბოლოო ჯამში გაგწირავენ წარუმატებლობისთვის და სიღარიბისთვის

და ამ ყველაფერს თავად თქვენი მშობლები და ბებია-ბაბუა დააფინანსებენ. ბოდიში რომ ჯერ კიდევ ვერ შევძელით თქვენი დახსნა",- წერს ჯაფარიძე.