(რეზონანსი) ივანიშვილს რუსეთთან ვალდებულებები აქვს, რუსეთიდან 6 მილიარდით ისე არავინ გაგიშვებს - ამის შესახებ, საზოგადოებრივი მოძრაობა „ლელოს" დამფუძნებელმა მამუკა ხაზარაძემ, "მთავარი აქცენტებში" საუბრისას აღნიშნა.

"მას აქვს ვალდებულებები რუსეთთან, რადგან 6 მილიარდი დოლარი და ყველა ქართველს ღმერთმა ხელი მოუმართოს, როცა რუსეთიდან 6 მილიარდით გამოდიხარ და მე პირველი მილიონი მანეთი იქ გავაკეთე და მერე რომ შევედი უკვე, მივხვდი, რომ იქიდან უნდა გამოვსულიყავი, რადგან იქ კავშირების გარეშე გამორიცხულია.. ვალდებულების გარეშე 6 მილიარდით არავინ გაგიშვებს", - განაცხადა ხაზარაძემ.