ლაფანყურში მოხდარია ავარიისას დაშავებული 1 ახალგაზრდა გარდაიცვალა. ექიმების თქმით, 32 წლის ახალგაზრდა კომატოზურ მდგომრეობაში იმყოფებოდა და სიცოცხლისთვის შეუთავსებელი დაზიანებები აღენიშნებოდა.

რაც შეეხება მეორე დაშავებულს, მისი ჯანმრთელობის მდგომარეობა სტაბილურია და შესაბამისი მკურნალობა უტარდება.

ავტოავარია თელავის მუნიციპალიტეტის სოფელ ლაფანყურში მოხდა. ოპელის მარკის ავტომობილის მძღოლმა საჭე ვერ დაიმორჩილა, ხეს შეეჯახა და ამობრუნდა.

მომხდარზე გამოძიება 276-ე მუხლით მიმდინარეობს,რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც ადამიანის სიცოცხლის მოსპობა გამოიწვია.