პარტია “გამარჯვებული საქართველო”-ს წევრები მთავარ პროკურატურას მიმართავენ, რომ პატიმარ ირაკლი ოქრუაშვილის მიმართ გამოყენებული იყოს გირაო. როგორც პარტიის წევრი გურამ ჩალაგაშვილი აცხადებს, ისინი მზად არიან ნახევარი მილიონი ლარი გადაიხადონ, რათა ირაკლი ოქრუაშვილი პატიმრობიდან გათავისუფლდეს. როგორ მოახერხეს “გამარჯვებული საქართველოს” წევრებმა ამხელა თანხის შეგროვება არც ჩალაგაშვილს და არც პარტიის სხვა წევრებს არ დაუკონკრეტებიათ.