(რეზონანსი) აფხაზეთის დე ფაქტო რესპუბლიკაში ყველა „საარჩევნო უბანი“ დაიხურა და ბიულეტენების დათვლა დაიწყო. ე.წ საარჩევნო კომისიის მონაცემებით, დღეს გამართული „საპრეზიდენტო არჩევნების“ მეორე ტურში, 18 საათისთვის, ამომრჩეველთა აქტივობამ 50,99% შეადგინა,.

ამავე ცნობით, ე.წ საარჩევნო სიაში დარეგისტრირებული 125 401 ადამიანიდან, კენჭისყრაში 64 947 - მა მიიღო მონაწილეობა, ამის შესახებ ე.წ საარჩევნო კომისიის პრეს-მდივანმა ელენე ლაბახუამ განაცხადა. ინფორმაციას „აფსნიპრესი“ ავრცელებს. გამოცემის ინფორმაციით ხაჯიმბა კვიცინიას მხოლოდ 1,84 პროცენტით უსწრებს.

ამომრჩეველთა ყველაზე მაღალი აქტივობით გალის რაიონი გამოირჩეოდა (67,98%), სადაც მონაწილეობა ე.წ საარჩევნო სიაში დარეგისტრირებული 1008 ადამიანიდან 692 -მა მიიღო.