(რეზონანსი) საქართველოს პარლამენტთან საპროტესტო აქცია სახელწოდებით „სირცხვილია“ დასრულდა. პარლამენტის შენობის წინ დღეს მთელი დღის განმავლობაში აპროტესტებდნენ მთავრობისთვის ნდობის გამოცხადების პროცედურას.

დღის ბოლოს აქციაზე „პატრიოტთა ალიანსის“ მხარდამჭერები მივიდნენ, მათ პოლიციის კორდონის გარღვევა სცადეს, რა დროსაც ბეჟან გუნავა და ალიანსის რამდენიმე მხარდამჭერი დააკავეს. ისინი „სირცხვილიას“ ორგანიზატორების წინააღმდეგ გამოდიოდნენ, ადგილზე იყო დაძაბული ვითარებაც. როგორც საპატრულო პოლიციის უფროსმა ვაჟა სირაძემ განაცხადა, სამივე პირი ადმინისტრაციული წესით არიან დაკავებულები.