(რეზონანსი) პოლიციამ დაასრულა წარსულში ცნობილი ესპანელი სამთო მოთხილამურის, ბლანკა ფერნანდეს ოჩოას ძებნის ოპერაცია, – ამის შესახებ გაზეთი „მარკა“ წერს. 

56 წლის ოჩოა ბოლოს 23 აგვისტოს, ავტომობილის საჭესთან დაინახეს. 

სამი დღის განმავლობაში ყოფილ სპორტსმენს მადრიდის ჩრდილოეთით, სამთო მასივში ეძებდნენ, მაგრამ მხოლოდ მისი „მერსედესი“ აღმოაჩინეს. 

იტყობინებიან, რომ სხეული ავტომობილიდან ორნახევარი საათის სავალ მანძილზე იპოვნეს. ოჩოა შვიდი-ათი დღის წინ არის გარდაცვლილი.