(რეზონანსი) სამხრეთ აფრიკაში, იოჰანესბურგში მდებარე დაწყებით სკოლასთან, სკოლის მასწავლებელმა ქალმა 6 წლის გოგო დედას მკლავებიდან გამოჰლიჯა, მანქანაში ჩასვა და გაიტაცა. ინფორმაციას გამოცემა Mirror ავრცელებს.

ინციდენტი მაშინ მოხდა, როცა დედამ უფროს შვილს სკოლაში მიაკითხა. გატაცებიდან რამდენიმე წუთში, 6 წლის ემი-ლის მამას დაურეკეს და ქალიშვილის უვნებლად დაბრუნების სანაცვლოდ, თანხა მოსთხოვეს.

ამის შემდეგ, გამტაცებლებს პოლიცია 19 საათის განმავლობაში ეძებდა. , სამართალდამცველების ინფორმაციით, დევნით შეშინებულმა პედაგოგმა, ემილის მოშორება გადაწყვიტა და იგი ბნელ ქუჩის კუთხეში დატოვა.

გამოცემის ცნობით, პოლიციამ ჯამში სამი ეჭვმიტანილი, 2 ქალი და ერთი მამაკაცი დააკავა. ეჭვიმიტანილების ასაკი 27-დან 50 წლამდეა და გამოძიება კვლავაც მიმდინარეობს. მამამ, ვაინანდ დე ჯაგერმა დაადასტურა, რომ პოლიციის მიერ დაკავებული ერთ-ერთი ქალი, მისი ბიჭის მასწავლებელია.