იუსტიციის მინისტრობის კანდიდატის, თეა წულუკიანის განცხადებით, სასამართლოს მიმართ საზოგადოების ნდობა გაიზარდა.

„სტრასბურგის სასამართლოს ჩვენი მოქალაქეების მხოლოდ მცირე ოდენობა მიმართავს. თუ თქვენ გახსოვთ ძველი დრო, იმ დროს იყო ხოლმე ასეთი მუქარა: „გაჩერდი, თორემ სტრასბურგის სასამართლოში გიჩივლებ". დღეს მუქარა ასეთია - „გაჩერდი, თორემ სასამართლოში გიჩივლებ". ანუ, ქართულ სასამართლოს დღეს უფრო მეტად ენდობიან. წინა წელს სტრასბურგში მხოლოდ 99 განცხადება იყო გაგზავნილი, როცა ადრე 400-500-მდე იყო," - განაცხადა წულუკიანმა.

პარლამენტში მთავრობის განახლებული შემადგენლობისთვის ნდობის გამოცხადების პროცესი გრძელდება.

წყარო: პრაიმტაიმი