(რეზონანსი) სოხუმში, ლაგვილავას ქუჩაზე მდებარე სახლის სადარბაზოსთან 1981 წელს დაბადებულ მამაკაცს ესროლეს.

შემთხვევა, დაახლოებით 00:30 საათზე მოხდა.

ინფორმაციას აფხაზეთის დე ფაქტო რესპუბლიკის შს სამინისტრო ავრცელებს. ამავე ცნობით, ცხედარს თავის არეში ცეცხლსასროლი იარაღით მიყენებული ჭრილობა აღენიშნებოდა. დანიშნულია ბალისტიკური - სამედიცინო ექსპერტიზა.

მომხდარზე აღძრულია სისხლის სამართლის საქმე, რომელსაც სოხუმის პროკურატურა იძიებს.

(პრაიმტაიმი)