(რეზონანსი) ჩინეთში, სკოლასთან მომხდარი თავდასხმის შედეგად რვა მოსწავლე დაიღუპა - ინფორმაციას ამის შესახებ „ბი ბი სი" ავრცელებს.

თავდასხმა ქვეყნის ცენტრალურ ნაწილში, ჰუბეის პროვინციაში, სასწავლო წლის დაწყების პირველ დღეს მოხდა. დაღუპული მოზარდების ასაკი 6-დან 13 წლამდე მერყეობს.

უცნობია კონკრეტულად როგორ დაიღუპნენ სკოლის მოსწავლეები და რა იყო თავდასხმის მოტივი, თუმცა შემთხვევის ადგილზე სამართალდამცველებმა 40 წლის მამაკაცი დააკავეს.