(რეზონანსი) მედიაში ვრცელდება ინფორმაცია, რომ პარტიაში პრემიერმინისტრ მამუკა ბახტაძის შეცვლის საკითხზე უნდა იმსჯელონ. მის შემცვლელად შინაგან საქმეთა მინისტრი გიორგი გახარია სახელდება, მანამდე რეგიონული განვითარებისა და ინფრასტრუქტურის მინისტრ მაია ცქიტიშვილის კანდიდატურაც განიხილებოდა.

არსებული ინფორმაციით, შინაგან საქმეთა მინისტრის თანამდებობაზე „ოცნების" მთავრობის ყოფილი შს მინისტრის და შემდეგ პრემიერმინისტრის, ირაკლი ღარიბაშვილის, სახელმწიფო უსაფრთხოების სამსახურის ხელმძღვანელის ვახტანგ გომელაურის, და შს მინისტრის მოადგილის ნათია მეზვრიშვილის კანდიდატურები განიხილება.