სენაკში მშვიდობის ქუჩის მცხოვრებთა ნაწილმა საპროტესტო აქცია გამართა. აქციის მონაწილეებმა პროტესტის ნიშნად რამდენიმე წუთით თბილისი-სენაკიზუგდიდის ცენტრალური ავტომაგისტრალი გადაკეტეს.

სენაკელების თქმით, ცენტრალურ ავტომაგისტრალზე მოძრავმა მსხვილგაბარიტიანმა სატვირთო მანქანებმა მათ საცხოვრებელ სახლებს საფრთხე შეუქმნა. ამასთან, არ არსებობს ტროტუარი, არ არის გაწმენდილი სანიაღვრე არხები.

აქციის მონაწილეებმა კიდევ ერთ პრობლემაზე ისაუბრეს. მათი თქმით, ბოლო თვეში სასმელი წყლის გადასახადი 500 და მეტი ლარი მოუვიდათ, რაც 10-ჯერ მეტია წინა თვეების გადასახადთან შედარებით.

აქციის მონაწილეებს სენაკის მუნიციპალიტეტის მერი ლევან კუპრეიშვილი შეხვდა. მისი თქმით, მომავალ წელს ქალაქის ცენტრალურ, მშვიდობის ქუჩაზე ყველა პრობლემა მოგვარებული იქნება. რაც შეეხება მსხვილგაბარიტიანი მანქანების მოძრაობას, გზა საერთაშორისოა და მოძრაობის აკრძალვა გამორიცხულია, სანამ ალტერნატიული ავტობანი არ აშენდება.

იმედინიუსი