ცოტა ხნის წინ პეკინის ქუჩაზე 3 წლის ბავშვის დაჭრის შესახებ მშობლები ამბობენ, რომ ოჯახი ქუჩაზე იდგა, როდესაც ზებრა ხაზზე გადმოვიდა უცნობი ქალი, ბავშვთან დაიხარა, სახეზე ხელი დაუსვა და დაჭრა.

პირველადი დახმარება მცირეწლოვანს მიმდებარე აფთიაქში გაუწიეს.

„დავინახეთ როგორ მიუახლოვდა მსუქანი ქალი ბავშვს და სახეზე ხელი ჩამოუსვა... მერე გაიქცა. მამა გაეკიდა, მაგრამ მერე თავი დაანება, ბავშვისკენ მობრუნდა“, - ამბობენ თვითმხილველები.

„გვეგონა ეფერებოდა“, - აცხადებენ სასოწარკვეთილი მშობლები. მათი თქმით, ეს ქალი მათ არასდროს უნახავთ.