თბილისის მეტროპოლიტენის პირველი ხაზის მუშაობა ნაწილობრივ შეფერხებულია. მოძრაობა ამ მომენტისთვის შეჩერებულია დიდუბე-ახმეტელის მიმართულებით.

როგორც "პირველ არხს" თბილისის სატრანსპორტო კომპანიაში განუცხადეს, შეფერხების მიზეზი  ერთ-ერთი შემადგენლობის დაზიანება გახდა. მათივე ინფორმაციით, ტექნიკური ჯგუფი უკვე ადგილზეა და შეფერხება მალევე აღმოიფხვრება, რის შემდეგაც მოძრაობა აღდგება.