ოდესაში, სასტუმრო „ტოკიო სტარში“ ხანძრის შედეგად დაიღუპა 8 და დაშავდა 10 ადამიანი. 

„ხანძრის შედეგად გარდაცვლილია 8 ადამიანი. დაიწვა 1000 კვადრატული მეტრის ფართობი. კიდევ 10-მა ადამიანმა სხვადასხვა სახის დაზიანებები მიიღო, მათგან 7 მეხანძრე-მაშველებმა გადაარჩინეს. ხანძრის გამომწვევი მიზეზი ამ ეტაპზე უცნობია“, - ნათქვამია უკრაინის საგანგებო სიტუაციების სამსახურის განცხადებაში.

მათივე ინფორმაციით, ადგილზე 65 მეხანძრე-მაშველები და 13 ერთეული ტექნიკა იყო მობილიზებული.