(რეზონანსი) Bloomberg-მა მსოფლიოს ყველაზე მდიდარი ოჯახების სია გამოაქვეყნა.

პირველ ადგილზე ამერიკელ უოლთონთა ოჯახია, რომელიც Walmart-ის სუპერმარკეტებს ფლობს. ოჯახის ქონება 190.5 მილიარდი დოლარია.

მეორე ადგილი- მარსის ოჯახი, რომელიც ამავე სახელწოდების კომპანიას აკონტროლებს. მათი ქონება 126.5 მილიარდი დოლარია.

მესამე ადგილი - ძმები ჩარლზ და დევიდ კოჰები, რომლებიც ნავთობქიმიურ კორპორაცია Koch Industries-ს ხელმძღვანელობენ, 124.5 მილიარდიანი ქონებით.

მეოთხე ადგილი - ალ-საუდის სამეფო დინასტია საუდის არაბეთიდან, რომელიც 100 მილიარდ დოლარს ფლობს.

მეხუთე ადგილი- საპარფიუმერო სახლ Chanel-ის მფლობელები- ძმები ალენ და ჟერარ ვერთჰაიმერები. მათი ქონება 57.6 მილიარდი დოლარია.

მეექვსე ადგილზეა დიუმას ოჯახი, რომელსაც მოდის სახლი Hermes ეკუთვნის. ქონება 53.1 მილიარდი დოლარი.

მეშვიდე ადგილი - სამი ბელგიური დინასტია - ვან დამი, სპულბერხი და დე მევიუსი. ისინი ლუდსსახარშ კომპანია Anheuser-Busch InBev-ს აკონტროლებენ და მათი ქონება 52.9 მილიარდი დოლარია.

მერვე ადგილზე არიან გერმანული ოჯახები - ბერინგერი და ფონ ბაუმბახი- 51.9 მილიარდი დოლარის ქონებით. მათ ეკუთვნით ფარმაცევტული კონცერნი Boehringer Ingelheim.

მეცხრე ადგილი- ამბანების ოჯახი, რომელიც ინდურ სამრეწველო ჯგუფ Reliance Industries-ს აკონტროლებს. მათი ქონება 50.4 მილიარდი დოლარია.

ბოლო, მეათე ადგილს კი ამერიკელ კარგილთა და მაკკილანების ოჯახი იკავებს, რომლებიც საკვები პროდუქტების კომპანია Cargill-ს ფლობენ. მათი ქონება 42.9 მილიარდი დოლარია.