(რეზონანსი) სახელმწიფო დაცვის სპეციალური სამსახურის უფროსი, ანზორ ჩუბინიძე უარყოფს, რომ 20 ივნისის ღამეს მომიტინგეებისთვის სროლის ბრძანებებს ის გასცემდა. „კურიერის" კითხვაზე, რატომ იმყოფებოდა ის პარლამენტის შენობასთან, ჩუბინიძე პასუხობს - „სამსახურის დებულება წაიკითხეთ".

ანზორ ჩუბინიძე არც 20 ივნისის მოვლენებთან დაკავშირებით დაწყებული გამოძიების ფარგლებში დაუკითხავთ.

სდსს-ს უფროსის მისამართით კითხვები მას შემდეგ გაჩნდა, რაც ის კამერებმა 20 ივნისის ღამეს, პარლამენტის შენობის წინ, აქციაზე დააფიქსირეს.