(რეზონანსი) ევროპის ლიგის მესამე საკვალიფიკაციო ეტაპის განმეორებითი მატჩი „ფეიენოორდთან" „დინამო არენაზე" მაყურებლების გარეშე ჩაივლის.

უეფა-ს ეთიკისა და დისციპლინური ორგანოს გადაწყვეტილება შემდეგია:

„უეფა ევროპალიგის მეორე საკვალიფიკაციო ეტაპის მატჩზე (დინამო - გაბალა), „დინამო თბილისის" გულშემატკივრების რასისტული ქმედების გამო:

კლუბი დაჯარიმდება 50 000 ევროთი;

აეკრძალება უეფა-ს ეგიდით გასამართ შემდეგ მატჩზე (დინამო - ფეიენოორდი) მაყურებლის დასწრება, ასევე კლუბი ვალდებულია, სტადიონზე გამოფინოს ბანერი #EqualGame", - ნათქვამია უეფა-ს ეთიკისა და დისციპლინური ორგანოს გადაწყვეტილებაში.