(რეზონანსი) 6 აგვისტოს 20:00 საათიდან ოკუპირებულ სამხრეთ ოსეთსა და საქართველოს შორის ადმინისტრაციული საზღვარი დროებით ჩაიკეტება.

განცხადება ე.წ. სამხრეთ ოსეთის სახელმწიფო უშიშროების კომიტეტმა Facebook-ის ოფიციალურ გვერდზე გამოაქვეყნა.

დე ფაქტო უწყება განმარტავს, რომ შეფერხება 2008 წლის მოვლენების მე-11 წლისთავისადმი მიძღვნილ ღონისძიებებს უკავშირდება.

„გამშვები პუნქტების მუშაობა 9 აგვისტოს 06:00 საათზე ჩვეულ რეჟიმში განახლდება", - ნათქვამია ოკუპირებული სამხრეთ ოსეთის ე.წ. სახელმწიფო უშიშროების კომიტეტის განცხადებაში.