ერთ წლიანი პაუზის შემდეგ პროკურატურის მიერ განახლებული საქმის ერთ-ერთი მთავარი მოქმედი პირი - ზურაბ ალავიძე თბილისში დაბრუნდა. ინფრასტრუქტურისა და  რეგიონული განვითარების ყოფილი მინისტრი საქმის დეტალებზე არ საუბრობს. თუმცა ამბობს, რომ დაკავებას არ ელოდება.

უკვე ერთ წელზე მეტია, რაც გამოძიება მიმდინარეობს სამტრედია-გრიგოლეთის ავტობანის მონაკვეთის მშენებლობისათვის გამოყოფილი 700 მილიონი დოლარის „აორთქლების“ თაობაზე და კორუფციულ სქემას ევროპის საინვესტიციო ბანკი სწავლობს. საქმეში ფიგურირებენ, ყოფილი მაღალჩინოსნები: 

დიმიტრი ქუმსიშვილი, ზურა ალავიძე და დავით შავლიაშვილი.