2 დღეა ეროვნული ვალუტა თავბრუდამხვევი ვარდნის შემდეგ, დიდი სისწრაფით მყარდება. მას შემდეგ, რაც გუშინ ეროვნულმა ბანკმა სავალუტო აუქციონზე 33 მილიონი დოლარი გაყიდა, ლარმა მკვეთრი გამყარება დაიწყო და "ბლუმბერგის" სისტემაში უკვე 2.89-ის ნიშნულზეა. კიდევ უფრო დაბალია გაცვლითი კურსი სავალურო ჯიხურებში, სადაც 1 დოლარი 2,87-2.88 ლარი ღირს. ეს ნიშნავს, რომ ლარის გამყარების ტენდენცია გაგრძელდება, თუმცა რა იქნება მისი ახალი წონასწორობის ნიშნული, ჯერჯერობით უცნობია.