სასამართლოს უპატივცემულობის ფაქტზე დაკავებული „სამართალდამცავთა რეფორმირების ცენტრის" ხელმძღვანელი, ზვიად კუპრავა სასამართლომ დამნაშავედ სცნო. აღნიშნული გადაწყვეტილება თბილისის საქალაქო სასამართლოს მოსამართლე ელენე გოგუაძემ რამდენიმე წუთის წინ გამოაცხადა.

სასამართლოს გადაწყვეტილებით, მას 9 თვით თავისუფლების აღკვეთა შეეფარდა.

მოსამართლემ გადაწყვეტილება განმარტა და აღნიშნა, რომ მოსამართლის მიმართ ნათქვამი სიტყვები მიჩნეულ იქნა შეურაცხყოფად. 

გადაწყვეტილების გამოცხადებას სასამართლოს სხდომათა დარბაზში ხმაური მოჰყვა.