(რეზონანსი) შინაგან საქმეთა სამინისტროს ინფორმაციით, ბათუმში სამი ტურისტის დაჭრაში მონაწილე პირის ვინაობა ცნობილია. უწყების ცნობით, ის 2001 წელს დაბადებული არასრულწლოვანია.

ბათუმში, სანაპიროზე 3 ტურისტი დაჭრეს. შემთხვევა გვიან ღამით მოხდა. აზერბაიჯანის 3 მოქალაქე, სასწრაფო დახმარების ბრიგადამ ბათუმის რეფერალურ საავადმყოფოში გადაიყვანა.

არსებული ინფორმაციით, სამივე ახალგაზრდას ფეხისა და ხელის, ასევე სხეულის სხვადასხვა ადგილებში ჭრილობები აღენიშნებათ.

გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის მძიმე ან ნაკლებად მძიმე დაზიანებას გულისხმობს.