(რეზონანსი) ტრანსკავკასიური ბილიკის წევრების თქმით, სვანეთში ხიდი მოხერხეს და წყალში ჩააგდეს

სვანეთში, ხალდეს ჭალის ხეობაში ხიდი მოჭრეს და მდინარეში ჩააგდეს, - ამის შესახებ ფეისბუკზე ორგანიზაცია „ტრანსკავკასიური ბილიკის" წარმომადგენელმა სოფო ბაგაურმა დაწერა.

„დღეში 30 კილომეტრს გავდიოდით და ხელით აგვქონდა მასალა მთაში. 3 დღის წინ დავასრულეთ. გუშინ ღამით ვიღაცამ ჩვენი აშენებული ხიდი ბენზოხერხით მოჭრა",- წერს იგი.

„ტრანსკავსიური ბილიკი", რომელიც ნიშნავს გზების ერთიანობას კასპის ზღვიდან შავ ზღვამდე კავკასიონის გასწვრივ, 2016 წელს, სვანეთიდან დაიწყო. მოხალისეები მომხდართან დაკავშირებით შესაბამის უწყებებს არ დაკავშირებიან.

(პრაიმტაიმი)