რეზონანსი) დღესდღეობით ირაკლის თავისუფლების აღკვეთის არანაირი მიზეზი არ არსებობს, - ამის შესახებ თავდაცვის ყოფილი მინისტრის ირაკლი ოქრუაშვილის მეუღლემ, ირინა ოქრუაშვილმა განაცხადა.

მისივე თქმით, თუ ქვეყანაში სამართლიანობა არსებობს, ის აუცილებლად იზეიმებს.

„მისი დაკავება "რუსთავი 2-ის" საქმეს, ბიძინა ივანიშვილის მიმართ მის გამოსვლებს და ზოგადად ოპოზიციურ ქმედებებს უკავშირდება", - ამბობს ირინა ოქრუაშვილი.

შეგახსენებთ, რომ თავდაცვის ყოფილ მინისტრს, ირაკლი ოქრუაშვილს, აღკვეთის ღონისძიების სახით პატიმრობა 27 ივლისს შეეფარდა.

ირაკლი ოქრუაშვილი 25 ივლისს, 20-21 ივნისის მოვლენების საქმეზე დააკავეს. ოქრუაშვილი მოსამართლის განჩინების საფუძველზე, სისხლის სამართლის კოდექსის 225-ე მუხლით გათვალისწინებული დანაშაულისთვის დააკავეს, რაც ჯგუფური ძალადობის ორგანიზების, ხელმძღვანელობის და მასში მონაწილეობას გულისხმობს.