ჩინეთში მეწყერის ჩამოწოლის შედეგად 30 ადამიანი დაიღუპა და 15 უგზოუკვლოდ დაკარგულად ითვლება. გარდაცვლილებს შორის ბავშვებიც არიან.

სტიქია გუანჯოუს პროვინციაში მოხდა. არსებული ინფორმაციით, დანგრეულია 20 საცხოვრებელი სახლი.

როგორც ადგილობრივი მედია იუწყება, მაშველებმა მეწყერში მოყოლილი სახლებიდან 40 ადამიანის უვნებლად ამოყვანა შეძლეს. ადგილზე ამ დრომდე მიმდინარეობს სამძებრო-სამაშველო ოპერაცია.

ადგილობრივი მთავრობის განკარგულებით სკოლაში მოწყობილია დროებითი თავშესაფარი და საველე ჰოსპიტალი. ჩინეთის მთავრობა დაზარალებულების დასახმარებლად უკვე გამოყო 4,4 მილიონი დოლარი.

წყარო: პრაიმტაიმი