(რეზონანსი) „20 ივნისს მე იქ ვიყავი, გახარიას გადადგომას ვითხოვ დღემდე და კიდევ უფრო დარწმუნებული ვარ მაგაში, რომ უნდა გადადგეს"- ეს განცხადება „რუსთავი 2"-ის დამფუძნებელმა დავით დვალმა, პარლამენტში, დეპუტატებთან შეხვედრისას გააკეთა.

დვალის ამ სიტყვებს დეპუტატები ტაშით შეხვდნენ.

„რუსთავის2"-ის დამფუძნებლებს „ევროპული საქართველოს" წევრმა, სერგო რატიანმა მიმართა და 20-21 ივნისის მოვლენებზე, ასევე „თიბისი ბანკის" საქმეზე მათი პოზიციით დაინტერესდა.

რატიანის საპასუხოდ დვალმა მისი ფეისბუქ პოსტი აჩვენა დეპუტატებს, რომელიც მისივე თქმით, სწორედ ამ საკითხებს ეხება - წინადადება მაქვს, რომ დამეგობრება გამოგიგზავნოთ ფეისბუქზე - მიმართა რატიანს დვალმა.

გახარიასთან დაკავშირებით ეს სურათი მაქვს გამოდებული და ნათქვამი მაქვს, რომ ესაა ჩემი კომენტარი - აქ წერია- გახარია წადი - განაცხადა დვალმა.

რაც შეეხება „თიბისი"-სა და მამუკა ხაზარაძის საქმეს, დვალი და აქიმიძე აფიქსირებენ, რომ კერძო საკუთრების ხელყოფის წინააღმდეგები არინ და პროტესტს გამოთქვამენ.