გარემოს ეროვნული სააგენტოს ცნობით, 26 ივლისის დილამდე დასავლეთ საქართველოში მოსალოდნელია წვიმა ელჭექით. უწყების ცნობითვე, ზღვაზე მოსალოდნელია 4-5-ბალიანი შტორმული ღელვა, ხოლო აღმოსავლეთ საქართველოში - ძლიერი ქარი. გამორიცხული არ არის მეწყრული პროცესები და ღვარცოფიც.

„მოსალოდნელმა ძლიერმა ნალექებმა შესაძლებელია პატარა მდინარეებზე წყალმოვარდნები, ხოლო მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს“- ნათქვამია უწყების განცხადებაში.