ცოტა ხნის წინ დაკავებულ ირაკლი ოქრუაშვილს ექვსიდან ცხრა წლამდე პატიმრობა ემუქრება. ის სამართალდამცავებმა კოტე კემულარიას სახლთან ნახევარი საათის წინ დააკავეს.  

როგორც "პრაიმტაიმს" პარტიის წარმომადგენელმა სამართლებრივ საკითხებში ანა რეხვიაშვილმა განუცხადა, ის 20-21 ივნისის საქმეზე სისხლის სამართლის კოდექსის 225-ე მუხლის პირველი და მეორე ნაწილის საფუძველზე დააკავეს. ეს მუხლები ჯგუფური ძალადობის ორგანიზებას, ხელმძღვანელობასა და მასში მონაწილეობას გულისხმობს. ამავე მუხლით წაუყენეს ბრალი ნაციონალური მოძრაობის ლიდერს, ნიკა მელიასაც.