ფოთში, საწყალოსნო სპორტულ ბაზაზე, კომპანია "ჯორჯიან მანგანეზის" მხარდაჭერითა და "საქართველოს აფროსნობის ფედერაციის" ეგიდით, საკლუბო პირველობაში მოზარდებს შორის შეჯიბრება ჩატარდა, სადაც ერთმანეთს ფოთისა და თბილისის საიალქნო კლუბები დაუპირისპირდნენ.

​ აფროსნობის ფედერაციის პრეზიდენტის, დევი ქიტუაშვილის განცხადებით, რბოლა "ლაზერისა" და "ოპტიმისტის" საერთაშორისო კლასებში გაიმართა.

"ჩემპიონატის ჩატარებამდე, მთელი კვირის მანძილზე, აღნიშნულ ბაზაზე სასწავლო-საწვრთნელი შეკრებები ტარდებოდა. შეჯიბრების შედეგად საპრიზო ადგილები შემდეგმა მონაწილეებმა მოიპოვეს:

ოპტიმისტის კლასში: 

1-ელი ადგილი - ნიკა თათარიშვილი (თბილისი);

2 -ე ადგილი - ალექსანდრე ქიტუაშვილი (თბილისი); 

3-ე ადგილი - თემური სვანიძე (თბილისი). 

ლაზერის კლასში: 

1-ელი ადგილი - გიორგი ქიტუაშვილი (თბილისი);

2-ე ადგილი - ვალერი ბესსარაბი (ფოთი); 

3 ადგილი - ირაკლი ლომთათიძე (ფოთი). 

რაც შეეხება მხარდამჭერებს, შეიძლება ითქვას, რომ "ჯორჯიან მანგანეზი" ჩვენი მთავარი სპონსორია. წელს კომპანია აღჭურვილობის განახლებაში დაგვეხმარა.  აგრეთვე, აღსანიშნავია განათლების, მეცნიერების, კულტურისა და სპორტის სამინისტროს წვლილიც - ჩვენს ღონისძიებებს ყოველწლიურად, სწორედ ისინი აფინანსებენ", – აღნიშნა დევი ქიტუაშვილმა.​

გამარჯვებულები მედლებითა და თასებით დაჯილდოვდნენ.