თიბისი ბანკის დამფუძნებლებს მამუკა ხაზარაძეს და ბადრი ჯაფარიძეს გენერალურმა პროკურატურამ ბრალი წარუდგინა. ამის შესახებ განცხადება რამდენიმე წუთის წინ საგანგებო ბრიფინგზე გაკეთდა.

პროკურატურის ინფორმაციით, გამოტანილია დადგენილება მამუკა ხაზარაძის და ბადრი ჯაფარიძის ბრალდების შესახებ, მათ მიერ, ჯგუფურად, 16 754 000 ამერიკული დოლარის უკანონო შემოსავლის ლეგალიზაციის ფაქტზე, რასაც თან ახლდა განსაკუთრებით დიდი ოდენობით შემოსავლის მიღება (დანაშაული გათვალისწინებული საქართველოს სისხლის სამართლის კოდექსის 194 მუხლის მე-2 ნაწილის ,,ა" და მე-3 ნაწილის „გ" ქვეპუნქტით).

მამუკა ხაზარაძე და ბადრი ჯაფარიძე დღეს პროკურატურაში დაბარებულები არიან მათთვის ბრალდების დადგენილების გასაცნობად.

საქართველოს გენერალური პროკურატურა მათთვის ბრალის წარდგენის შემდეგ სასამართლოს მიმართავს შუამდგომლობით აღკვეთის ღონისძიების შეფარდების თაობაზე.

წყარო:პრაიმტაიმი