ივანიშვილი ყოველ წელს თავდაცვის ფონდში დაახლოებით 36 მილიონ დოლარს მირიცხავდა – თანამდებობიდან რომ წამოვედი, 10 მილიონი ქეში მქონდა კაბინეტის სეიფში, რომელიც ბანკში უკან დავაბრუნე ანგარიშზე, – ამის შესახებ ირაკლი ოქრუაშვილმა ” ტვ პიველის” ეთერში განაცხადა.

„კაბინეტში მედო, სეიფში, მივიტანე და ბანკში უკან დავაბრუნე ანგარიშზე. ივანიშვილი რიცხავდა, მაგრამ საჭიროებები არსებობდა "ქეშად" თანხების რაღაცებში გადახდის. ქართული და არა მარტო ქართული პოლიტიკა ჰგავს სოსისს – ბისმარკის ძალიან ცნობილი სიტყვებია, ადამიანებმა რომ იცოდნენ, სოსისი როგორ მზადდება, არასდროს შეჭამდნენო. ქართული პოლიტიკის კულუარები გარეთ რომ გამოვიდეს, აღარავინ ჩართავს ტელევიზორს და არც არჩევნებზე მივა“, – განაცხადა ოქრუაშვილმა.