„რუსთავი 2“-ის ახალმა დირექტორმა პაატა სალიამ ტელევიზიაში ჟურნალისტებთან შეხვედრის შემდეგ კომენტარი გააკეთა. კითხვაზე - წაიყვანს თუ არა ნიკა გვარამია კვლავ „კვირის აქცენტებს“ ეკა კვესიტაძესთან ერთად, პაატა სალიამ განაცხადა, რომ ეს საკითხი არ დასმულა და მან არ იცის გვარამიას პოზიცია ამასთან დაკავშირებით. „მე ვიცი ხალვაშის პოზიცია, ეს ამის წინააღმდეგია. დანარჩენი არის ისე, როგორც იყო“, - განაცხადა სალიამ. 

18 ივლისს სტრასბურგის სასამართლოს გადაწყვეტილების შემდეგ, არხი ქიბარ ხალვაშმა გადაიფორმა, ახალ დირექტორად კი ადვოკატი პაატა სალია დანიშნა.