(რეზონანსი) გაერთიანებული ოპოზიციის წარმომადგენელი მამუკა გამყრელიძე სოციალურ ქსელში სტრასბურგის სასამართლოს გადაწყვეტილებას ეხმიანება.

მისი შეფასებით, გუშინდელი გადაწყვეტილებით სასამართლომ ირიბად სცნო, რომ წინა ხელისუფლების დროს ხორციელდებოდა უხეში ზეწოლა დამოუკიდებელ მედიაზე, არ იყო გარანტირებული კერძო საკუთრება, სასამართლო არ იყო თავისუფალი და დღეს, ამ ხელისუფლების პირობებში ეს საკითხები მოგვარებულია.

„სტრასბურგის სასამართლოს გადაწყვეტილება უფრო მძიმეა, ვიდრე მხოლოდ რუსთავი 2-ის დაკარგვა. გუშინდელი გადაწყვეტილებით სასამართლომ ირიბად სცნო, რომ წინა ხელისუფლების დროს ხორციელდებოდა უხეში ზეწოლა დამოუკიდებელ მედიაზე, არ იყო გარანტირებული კერძო საკუთრება, სასამართლო არ იყო თავისუფალი და დღეს, ამ ხელისუფლების პირობებში ეს საკითხები მოგვარებულია. აი რა მაფიქრებს და რას ვწუხვარ. როგორ შემოგვიტრიალდება ეს გადაწყვეტილება ჯერ კიდევ არ ვიცით. პროპაგანდის თვალსაზრისით აუცილებლად იქნება შედეგები", - წერს მამუკა გამყრელიძე.