"რუსთავი 2"-ის ახალი გენერალური დირექტორი პაატა სალია ტელეკომპანიაში მივიდა. ის აცხადებს, რომ აპირებს შეხვდეს ნიკა გვარამიას და მენეჯმენტს და გაიგოს, რა გადაიბარა არხის მფლობელმა, ქიბარ ხალვაშმა.

მან კიდევ ერთხელ განაცხადა, რომ საკადრო ცვლილებები არ იგეგმება.

ბიზნესმენმა ქიბარ ხალვაშმა დღეს სამაუწყებლო კომპანია „რუსთავი 2“ ოფიციალურად გადაიფორმა.

„ნდობის მოპოვება ერთ წუთში არ მოხდება. დროთა განმავლობაში ჟურნალისტები ამას მიხვდებიან“, - ამბობს ახალი დირექტორი.

"დავურეკე ნიკა გვარამიას. არ მიპასუხა. მესიჯი მივწერე", - დასძინა მან.