(რეზონანსი) „რუსთავი 2"- ის ახალი გენერალური დირექტორი პაატა სალია ცოტა ხანში ტელეკომპანიაში მისვლას გეგმავს. მისი თქმით, მანამდე ის ქიბარ ხალვაშს შეხვდება და საორგანიზაციო საკითხებზე ისაუბრებენ.

„ახლა ვაპირებ ქიბარ ხალვაშს შევხვდე, გავიაროთ გარკვეული საორგანიზაციო საკითხები და ჩამოვყალიბდებით, როდის მივალთ ტელევიზიაში", - განუცხადა პაატა სალიამ „პრაიმტაიმს"

ნიკა გვარამია შპს „სამაუწყებლო კომპანია რუსთავი 2"-ის დირექტორის თანამდებობას აღარ იკავებს. საჯარო რეესტრმა „რუსთავი 2"-ის დირექტორად ქიბარ ხალვაშის ადვოკატი, პაატა სალია დაარეგისტრირა.