ის გამოსვლა, რაც „რუსთავი 2"-ზე საზოგადოებამ მოისმინა, არამხოლოდ ამ არხის, არამედ ქვეყნის სირცხვილია - ასე გამოეხმაურა ბიძინა ივანიშვილი 7 ივლისს გიორგი გაბუნიას სატელევიზიო ეთერს, სადაც ჟურნალისტმა გადაცემა რუსეთის პრეზიდენტის, ვლადიმერ პუტინს აგინა.
„ეს არის სირცხვილი ჩვენი კულტურის. ასეთი ლანძღვა რაც ჩვენ მოვისმინეთ... რა თქმა უნდა, საზოგადოება ამას განსჯის. მიუხედავად „ნაციონალური მოძრაობის" წევრების დიდი მცდელობისა, რომ ტურიზმი შეჩერდეს საქართველოში, ეკონომიკა დაინგრეს, ვაჭრობა გაჩერდეს, მიუხედავად ამისა, ჩვენ ყველაფერს ვაკეთებთ იმისთვის, რომ საქართველო განვითარდეს და საქართველოში ეკონომიკა აღორძინდეს. მე ვგმობ, რა თქმა უნდა, გვარამიას და გაბუნიას გამოსვლებს. ეს დასაგმობია ყველა ქართველისგან. ეს იყო, რა თქმა უნდა, არაქართველური და არაკულტურული გამოსვლა და იყო სირცხვილი", - განაცხადა ივანიშვილმა.
წყარო: მარშალპრესი