შეკვეთილში, ბიძინა ივანიშვილის სახლის მიმდებარე ტერიტორიაზე, საპროტესტო აქცია დასრულდა. აქციის ორგანიზატორების განცხადებით, მოშიმშილე აქტივისტები 15 ივლისიდან შიმშილობას შეწყვეტენ.

„მინდია ადაძე და მარად შავაძე მე-20 დღეა შიმშილობენ. ბოლო ოთხი დღეა, სასწრაფო -სამედიცინო დახმარების ჯგუფს მათი გადაყვანა ფოთის ჰოსპიტალში უწევს. ახლა მათი მდგომარეობა კრიტიკულია, ამიტომ ხვალიდან ისინი შეწყვეტენ შიმშლობას“, - განუცხადა ჟურნალისტებს აქციის ერთ-ერთმა ორგანიზატორმა ანზორ გუბაევმა.

მისი თქმით, გაშლილ კარავში მუდმივად იქნებიან აქტივისტები და აქციები შს მინისტრის გიორგი გახარიას გადადგომის მოთხოვნით პერმანენტულად გაგრძელდება.