(რეზონანსი) აფხაზეთის საოკუპაციო რეჟიმის დე ფაქტო საგარეო საქმეთა მინისტრი დაურ კოვე აფხაზეთთან დაკავშირებით საქართველოს ხელისუფლების წარმომადგენლების მიერ ვლადიმირ პუტინის განცხადებასთან დაკავშირებით გაკეთებულ განცხადებებს აბსურდის თეატრს უწოდებს:

„აბსურდის თეატრი, როგორც ქართული პოლიტიკის ფუნდამენტი, გრძელდება. ბატონო ქართველო პოლიტიკოსებო. დროა ილუზიები პრაგმატული მიდგომებით შეცვალოთ.

ერთადერთი შესაძლებელი სცენარი ორ სახელმწიფოს - აფხაზეთის რესპუბლიკასა და საქართველოს რესპუბლიკას შორის ურთიერთობის განვითარებისა, ეს არის ცივილიზებული სახელმწიფოთაშორისო დიალოგის დაწყება.“- განაცხადა დაურ კოვემ.