(რეზონანსი) ქვეყანაში ვითარება, შეიძლება ითქვას, ყოველდღიურად რთულდება, რუსი დეპუტატის, გავრილოვის ქართულ პარლამენტში სტუმრობის შემდეგ, კიდევ უფრო გამწვავდა ქართულ-რუსული ურთიერთობებიც, თბილისი კი კვლავ აქციების ეპიცენტრად იქცა. "რუსთავი 2"-ის წამყვანის, გიორგი გაბუნიას მიერ პირდაპირ ეთერში რუსეთის პრეზიდენტის ლანძღვა-გინებამ, სიტუცია კიდევ უფრო მეტად არია.

შექმნილ ვითარებაზე კომენტარს მომღერალი ბუბბა კიკაბიძე აკეთებს:

„გიორგი გაბუნიას რომ ვუსმენდი, ენა ჩამივარდა! როგორ აგიხსნათ და მეტი რა გითხრათ... არც რუსეთს ვეტრფი და არც მის პრეზიდენტს, მაგრამ ამიტომ უნდა დადგე კაცი მიკროფონით და აგინო მკვდარი და ცოცხალი? - სრულიად გაუმართლებელია ეს ყველაფერი და ეგრეც დაწერეთ!", - ამბობს მომღერალი „კვირის პალიტრასთან".